Әлемдік қонақ үй шаруашылығы

«Мицце Хайами» экологиялық  отелі «теңізге көрініс» деп  аударылады. Бұл отель Израильде орналасқан. Жоба жетекшісі дәрігер-гомеопат Эрик Ярос. Бұл жерде теледидар, жаңалық, газет жоқтың қасы. Тек радиодан медитацияға арналған құстардың  әні, судың сылдыры, ән беріледі. Қонақтар иіспен, гүл майымен, емдік ваннамен, фитококтейльдермен, шөптермен емделеді. Бұлардың барлығы отель территориясында арнайы өсірілетін өсімдіктерден жасалады. Отель азық-түлік сатып алмайды, қажетті нәрсенің барлығы отельге қарасты фермада химиялық заттардың қоспасынсыз өсіріледі. Жемістер отельдің саяжолдарында өсіріледі. Қонақтар оларды кез-келген уақытта жей алады. Негізінен егде жастағы адамдар мен жанұялы адамдар қала өркениетінен бір тынығу үшін келеді.

Лангхольмен отелі Стокгольмдегі бұрынғы ханшайым түрмесі. Бұл жерде бұрынғы заманда ханшайымның қол астында істеп жүріп сатқындық жасаған сарай қарамағындағы хатшыларды, дворяндарды және т.б. қызметкерлерді дарға асу үкімі шыққанға дейін тұтқынға алып отырған. Отель-түрмеде сіз өзіңізді нағыз тұтқын ретінде сезінесіз. Бұл үшін сізге барлық «ыңғайлы жағдайлар» жасалған. Елестетіп көріңізші, отельге кіре берісте сізді қызмет көрсетуші персонал қарсы алады. Бар жүгіңізді қабылдау бөлмесіндегі арнайы сөрелерге қалдырып кетесіз. Номерге кірер кезде орамада жатақ киімі мен аяқ киім беріледі. Өз қалауыңыз бойынша сіз бір орынды жатын бөлме, екі орынды жатын бөлме, люкс таңдау мүмкіндігіне ие боласыз. Бөлме іші қараңғы, алайда ондағы телидидар сіздің ішіңізді пыстырмайды. Телидидар бойынша сізге түрме өмірінен берілетін эпизодтар мен бағдарламалар көрсетіледі. Ұзаққа тұрақтайтын болсаңыз түрме қонақтары арасында спорттық және ой-өріс шеңберінде «камера аралық» сайыс өткізіледі. Жеңген адамға сыйлықтар беріледі. Қонақ үйде тұрақтағанда шығар кезде қонғандығын растайтын сертификат беріледі. Jail Hostel Оттавада орналасқан. Бір тәулік құны 18 долларды құрайды.

Дизайны бойынша таңғажайып отельдердің  санысоңғы кезде басымдық танытып  келе жатыр.

Мысалы, Токиода орналасқан отель-капсуланың сыйымдылығы бір номерге бір адам. Қонақтар жеке заттарын ресепшн бөлмесіндегі арнайы жәшіктерге қалдырады. Минимализм стилінде салынған бұл отель қазіргі таңда әлемнің 27 елінде шоғырланған. Алғаш рет 1981 жылы  Лондон қаласында «Blakes», 1988 жылы «Kempel» ашылды. Холдардың ауданы әдетте олимпилік жүзу бассейнімен бірдей. Мұндай отельдер, әсіресе, Жапонияда ерекше сұранысқа ие. Номерлердің ауданы: ені 1,2 м, ұзындығы 2,2 м. Бір тәулік құны 40 долларды құрайды, ескере кететін жайт бұл қала бойынша таксимен жүру бағасынан едәуір төмен. Осы отельдерге әйелдерге кіру тыйым салынады.

Голландықтардың отель-капсулалары  япондық түнеу капсулаларына  қарағанда анағұрлым қызығырақ. Capsule отелінің дизайнері Дэнис Оуденижк. Олардың пішіні кішігірім ұшқыш  тәрелкелерге ұқсас келген. Алайда, олар ұшпайды, бірақ жүзеді. Тұрақтаушылардан бос уақытта капсулалар Гааганың жағалауының бірінде бекітіліп тұрады. Сарғыш тәрелкенің ішіне үш адам тұрақтай алады. Онда стандартты қызметтерден бөлек әйнек дискотекалық шарлар мен ерекше жарықтандыру ұсынылады. Бір тәулік құны 100 евроны құрайды.

Бүкіл әлемге әйгілі жарыс  машиналарын өндіруші “Аскари” әлемдегі бірінші “жарыс отелін” ашты. “Уникум  Трэвел” журналының мәлімдеуі бойынша  отель қонақтарына жекеменшік трасса бойымен ең мықты жарыс машиналарымен жоғары жылдамдықта айдау қызметі көрсетіледі. Трасса Испанияның оңтүстігіндегі Ронда қаласынан 10 км  қашықтықта орналасқан. Бұл Испаниядағы ең ұзын трасса: 5,425 м. Отель қонақтары өздерінің таңдауы бойынша отельдің бай коллекциясындағы кез келген машинаны таңдауына болады: LMP 900, Radica SR3, Lotus Elise. Клубқа мүшелікке ену құны – 125,000 евро, жылдық техникалық салым – 8,500 евро. Клубтың әрбір мүшесі мұнда 100 күн тұрақтауға кұқылы.

Propeller Island City Lodge Германия, Берлинде орналасқан отель-фантазия. Жоба жетекшісі суретші Лорс Строшен. Отель Жюль Верннің “Плавучий отель” романының құрметіне аталған. Ол ойындағы отельді іс жүзінде салуына бір жарым миллион доллар қаржы жұмсады. Отельде бір-бірін мүлдем қайталамайтын әр түрлі стильде безендірілген 45 номер бар. Ең қызықтылары: бір бөлмесінде қабір типтес төсек, екінші бөлмеде Леонарда да Винчидің уақыт машинасы болса, келесі бір бөлмеде сіз орманда жүргендей боласыз, тағы бір қызықты бөлме түрме дизайнінде салынған, оның қасындағы бөлмеде сіз төбе мен еденнің орнын ауыстырып алғандай күй кешесіз. Бір бөлмесінде төсек орны ауада қалқып тұрады, ал кейбір апартаменттері сансыз көп айналарға толы. «Мұражай» номерінде әр  түрлі суреттер, қоршау, түрлі-түсті жанатын төсек бар. Готикалық мәдениетті, орта ғасырлық өмірді және қорқынышты фильмді  ұнатушылар үшін төсек орны ретінде екі орынды қабір ұсынылады. «Вверх тормашками» номерінде төбеде жиһаздар орналасса, астыда басқа да пайдаға жарамды жиһаздар минималды вариант шегінде берілген, алайда олар еденге тереңінен тығылған және оларды қажет болған кезінде баулардан тартып шығарып алады. «Бұлттар» бөлмесінде төсек орындарының нақты сызықтары белгіленген, ашық түсті паркет пен ерекше үндестік тапқан детальдар оның ерекшелігін айқындай түседі.

Германияда Дунай өзенінің жағалауында Das Parkhotel деп аталатын бетон құбырларынан қайта жетілдірілген ыңғайлы қонақ үй номері бар. Ал, Нидерландыда теңіз портындағы көтермелердің біреуін екі адамға арналған элитарлық апартамантке айналдырылған. Ол Dockside Crane Hotel деген атқа ие болды. Отель мамыр мен қазан айлары аралығында жұмыс істейді. Тұру құны әр адамның қалауы бойынша төленеді. Номерлерді интернет жүйесі арқылы броньдауға болады. Қонақтар жарты жыл бұрын кезекке тұрып қояды. Мұнда 2007 жылы апартаментте бір тәулік құны екі адамға 299 евроны құраса, 2008 жылы 319 евроны құрады.  Альтернативтік қонақ үйлерде тұру бағасы 120-250 $ аралығында. Бірақ, Швейцариядағы мұз қонақ үйлерінде бір адам басына түнеу бағасы 580-840 $ құрайды.

Foldable Hotel Pods отелінің дизайнері MW Architects, Лондон. Жобаның құны 72-104 $ млн құрайды. Бұл жиналмалы-жылжымалы отельді тұрақтанушының қалауы бойынша жер шарының кез келген нүктесіне көшіріп, орналастыруға болады, ол үшін тұрақтаушы алдын-ала тапсырыс береді.

Lythe Hill «елестерді аулау» отелі Лондон қаласынан оңтүстікке қарай Суррей графтығында орналасқан. Отельге келушілер елестерге деген қызығушылықтан келеді. Көп жағдайда туристер бұл отельге «елестерді аулау» үшін келеді. «Елестерді аулау» қонақ үй ақысына кірмейді. Оған қосымша ақы төленеді. Аңшыларға арнайы құрал-жабдықтар беріледі: елестерді бекітуге арналған инфрақызыл веб-камера, қозғалыс детекторы, сандық термометр, бөлмедегі ылғалдылықты өлшейтін құрылғы. Екі адамға елестерді аулау барлық құрал жабдықды қосқанда 200 фундқа бағаланады. Отельдің бас басқарушысы Дэвид Армстронг классикалық ағылшын елестері қазіргі кезде табыс әкелуде деп тұжырымдайды. Құны 50 фунт тұратын қосымша қызмет ішіне арнайы сақтандыру полисі мен құлмақ балының бөтелкесін алуға болады. Осындай түннен кейін алынған шытырманға толы әсерді түсіру үшін отельде spa қызметтер көрсетіледі.

Кениядағы жирафтары  бар отельдер Лангата қаласында  орналасқан. Ондағы жирафтар адамдармен бірге серуендейді. Ұзын бойлы келген бұл жануарлар келушілерді өз қылықтарымен баурап алады. Қолға үйретілген жануарлар сізбен бірге доп ойнайды, ән тыңдайды, би билейді. Әрбір жираф айына 500-600 $ түсіреді.

Dog Bark Park Inn ит тәрізді  отелінің құрылыс жетекшілері  Деннис Салливан және Франсис  Конклин. Ғимарат екі қабаттан тұрады, Айдахо штатында орналасқан. Қуғыншы Коттонвуд формасында салынған. Қонақтар ғимаратқа пандус жақтан кіреді, пандустың өзі иттің көкірегінде, жатын бөлме шатырдың астында, яғни, иттің басы болып есептелетін бөлігінде. Отель сәуір мен қазан аралығында ашық болады, бұл жерге үй жануарларын алып келуге рұқсат етіледі.

Everland ұялы отелі Швейцарияда  орналасқан бір бөлмелі қозғалмалы  қонақ үй. Жоба жетекшілері суретші-инсталяторлар  Сабина Ланг пен Дэниел Бауман. Ол трейлер тәрізді болып келген. Отельдің ерекшелігі оның жылжымалы болғандығында және ол тек бір елде орналаспайды, белгілі бір уақыт аралығында дүниежүзін шарлап шығады. Суретшілер қонақ үйді Европа бойымен тасымалдайды, 2008 жылға дейін Парижде Palais de Tokyo мұражайының шатырында орналасқан, сондықтан да ондағы тұрақтанушылар өздерін ауада қалқып тұрғандай сезінеді. Отель Eiffel мұнарасына жақын жерде орналасты. Everland қонақ үйі күндіз суретшілер көрмесі қызметін атқарады. Сондықтан да келушілер тек түнде ғана тұрақтай алады. Жаңа трендтердің ішіндегі пионерлердің бірі Everland отелі.

Отельдегі жалғыз номер  ауданы 35 кв. м болатын параллелепипед іспеттес. Ол полиуретанды айғызбен жабылған ағаш құрылысы, ал терезесі әдеттегідей  әйнек пластигінен тұрады. Осының барлығы 10 тонна болады. Ғимарат қала канализациясына оңай қосылатын су құбырларымен  және климаттық жүйесімен жабдықталған. Алғашқыда бұл отель-капсула 2002 жылдың маусы айында Швейцариядағы Невшатель көлінен 100 метр қашықтықта орналасқан еді. Сол кездегі отель тұрақтаушылары өздерін су апатының бір бөлігі ретінде сезінетін. Кейін отель-капсула жоба жетекшісінің үйінің шатырына көшіріледі. Ол 2006 жылдың маусым айында уақытша 400 түнге Лейпцигтағы қазіргі заман өнерінің мұражайының шатырында тұрақтады. Ал, 2007 жылдың қазан айынан бастап Париждік Токио сарайында аялдады, онда ең ірі көрме залы орналасқан. Қазір Everland отелі Сена өзенінің теңіз деңгейінен 30 м биіктікте орналасқан, ол жерден Эйфел мұнарасына көрініс ашылады. Отельдегі номерді ешбір делдалсыз, тек интернет арқылы ғана броньдауға болады. Номерді бір күнге ғана бронь жасайды, бағасы жоғары: Лейпцигта түнеу бағасы 222 евро, Парижде әдеттегі күндері 333 евро, уик-энд кезінде 444 евро. Алайда, кейбір күндер E-bay аукционында сатылады: 2 қазанда 3800 евроға, 14 шілдеде 6000 евроға, 2008 жылдың жаңа жылдық түні 27 мың евроға кетті.

Marmara Antalya айналмалы қонақ  үйі Анталья қаласында салынған  алғашқы айналмалы отель. Аталмыш  қонақ үй 2005 жылы салынған. Қонақ  үйдің жалпы ауданы 28000 шаршы метрді  құрайды. Қонақ үйдің стилін  француздық архитекторлар жетілдірген болатын. Айналу жылдамдығы реттеліп отырады, толық айналым 2-22 сағат аралығы. Қонақтар Жерорта теңізінің тамаша көрінісімен тамсана алады. Жағажайға үңгір түрінде келген жол апарады. Marmara Antalya 22 қабатты бас ғимарат пен 4 қабатты айналмалы корпустан тұрады. Бұл өз осінен 360 градусқа айналым жасайтын әдемдегі ең жалғыз қонақ үй. Қонақ үйдегі номерлердің 88 % теңізге жартылай немесе тіке қарайды. 

Hobbit Motel Жаңа Зеландиядағы  Отороханга қаласында орналасқан. Тау беткейіндегі екі апан хоббит тұрақтарының нағыз көшірмесі болып табылады. Дөңгелек терезелер мен есік ойықтары, қызғылт-сарғыш қабырғалар мен лайықты интерьер кез келген туристің көңілінен шығады. Отель Woodlyn саябағының бір ғана бөлігі болып табылады.

Wallstreet Park Plaza отелінің архитекторы Логанн Налбах. Отель Берлиннің орталығында орналасқан. Қонақ үйдің барлық жерінде, яғни, холда, фойеде, мейрамханада, спорттық клубтарда, номерлерде қаржы биржасының белгілерін көресіз. Отельдегі 167 бөлменің әрбіреуінде қаржы және валюта операцияларын еске салатын заттар бар. Мәселен, доллар купюрасы түріндегі еденге төсейтін кілем.

“Кіші Ханзада” отелі  Германияда, Баден-Баден қаласында  орналасқан. әрбір бөлме ханзада  есімімен аталған. Мысалы: Свит Луи, свит Ханзада, Манхеттан және олардың әрқайсысы ерекше үлгіде безендірілген. Отель әлемдегі қонақ үйлердің ''алтын тізіміне'' енген.

Бір уақытта екі отельде  тұруды қалайтындар үшін Moevenpick Hotel Prague Hotel Prague 4 * қызмет атқарады. Бұл бір-бірімен  фуникулер арқылы жалғасатын әрі бір атпен аталатын екі отель. Оның бірінші бөлігі Праганың тарихи орталығына жақын жерде Влтава өзенінің жағалауында, Моцарт мұражайына қарама-қарсы бетте орналасқан. “Executive Wings” деп аталатын екінші бөлігі айналасы ну орманмен қоршалған төбешік шыңында орналасқан. Отельде 436 номер, екі мейрамхана, екі бар, конференц-зал, фитнесс-орталық т.б. бар.

Arbez отелі Франция мен  Швейцарияның арасындағы шекарада  орналасқан. Мәселен, қонақтың басы  Францияда, ал аяқ жағы Швейцарияға  қарап жатуы мүмкін.

Осыдан 130 жыл бұрын  Кельн қаласындағы ежелгі мұнара жұмыс нысаны ретіндегі мәртебесінен айрылып, архитектура ескерткішіне айналды. Мұнара  1990 жылы қайта жөндеуден  өткізіледі, орнына “Hotel im Wasserturm” атты жаңа отель ашылады. Отельдің ішкі безендіруін француз дизайнері Андре Путман жасады, ол дизайнның приоритетті формасы ретінде шеңберді таңдады: қабырғалар, шамдар, сантехника – осының бәрі де үлкен және кішкентай айналманы құрайды. Отельдегі барлық номерлердің техникалық жағынан қамтамасыздандырылуы мақтауға тұрарлықтай: кабелдік теледидар, көп каналды телефон, LAN, мини-бар, сейф, жылытылатын едендер, қауіпсіздік видеожүйесі. Ғимараттың он бірінші қабатында мейрамхана орналасқан.

 «Sepik Spirit» қалқымалы  кеме отелі Африкада орналасқан. Бұл кеме 1989 жылы салынып, күнделікті круиз сапарын жасайтын өзен атымен аталған. Отель бір уақытта бортқа он сегіз жолаушыны қабылдап, оларды тоғыз люкс класындағы номерлерге орналастырады. Саяхат жұма күні басталады, кеме Каравари портынан жолға шығады, Қара Су көлінен өтіп, Орта Сепик бойымен көтеріледі. Дүйсенбі күні отель Тимбунк портына келеді.

«Wigwam Hotel» отелі (Холбрук, Аризона, АҚШ) үнді елді-мекенінің атмосферасын құрайды. Мұнда арнайы туристік қонақ  үй ретінде нағыз вигвамдар шоғырланған. Мотель аумағында 17 вигвам бар, олардың әрқайсысының диаметрі 4,5 м, ал биіктігі 10 м. Үндістандағы қостардан айырмашылығы берік каркас пен қазіргі заман талабына сай ыңғайлылықтар, екі адамдық төсек орны, кабельдік теледидар, душ кабиналар бар. Мотельдің құрылған мерзімі 1950 жыл болып саналады. Оның ойластырушысы жергілікті стандартты отель иесінің әкесі. Ол мұндай қадамға туристерді көбірек тарту үшін барды әрі ол кезде осындай ерекше отельдер жоқ еді. Мотельдің туристік бизнесте өз орнын табуына оның қолайлы жерде, яғни, навайо, хопи, апачо резервациялары мен әйгілі алпыс алтыншы трассаға (Historic Route 66) жақын орналасқандығы әсер етті. Оған қоса БАҚ да мотельдің туристер арасында кеңінен танымал болуына өз септігін тигізді. Мотель 2002 жылы тарихи ескерткіштердің Ұлттық регистріне енгізілді. Бір тәулік құны бір орындық «апартаменттерге» 42$, екі адамға арналған вигвам үшін 48 $ құрайды. Мотель аумағында шылым тартуға қатаң түрде тыйым салынған.