Мемлекеттік кадрлық саясат және қызметкерлерді басқару жүйесін жетілдіруді жүзеге асыру механизмі

Мазмұны

 

 

Аннотация
Нормативтік сілтемелер
Анықтамалар
Қысқартулар мен белгілер
Кіріспе	9
1 Мемлекеттік кадрлық  саясат және қызметкерлерді басқарудың  теориялық негіздері	11
1.1 ҚР жергілікті басқару  жүйесінің мәні мен мазмұны	11
1.2 Қызметкерлерді басқару жүйесі	14
1.3 Қызметкерлерді басқарудың  шетелдік тәжірибесі	20
2 Қазақстан Республикасы  және Оңтүстік Қазақстан облысындағы   кадрлық саясат және қызметкерлерді  басқаруды талдау	24
2.1 Қазақстан Республикасы мемлекеттiк қызметi жүйесi және кадрлық саясаттың ағымдағы ахуалы	24
2.2 Оңтүстік Қазақстан облысында қызметкерлерді басқару жүйесін ұйымдастыру және оны талдау	33
2.3 ҚР мемлекеттік қызмет жөніндегі агенттіктің қызметін талдау	46
3 Мемлекеттік кадрлық  саясат және мемлекеттік қызметкерлерді басқару жүйесін жетілдіру жолдары	51
3.1 Мемлекеттік қызмет персоналын басқару жүйесін жетілдіру	51
3.2 Мемлекеттің кадр  саясатын мемлекеттік реттеу	55
3.3 Кадрлық саясат және  қызметкерлерді басқару жүйесін  жетілдірудің бизнес-жоспары	65
Қорытынды	72
Пайдаланылған әдебиеттер тізімі	75

 

 

 

 

 

 

 

 

 

 

 

 

 

 

 

 

 

Аннотация

 

Дипломдық жұмыстың тақырыбы: Мемлекеттік кадрлық саясат және қызметкерлерді басқару жүйесін  жетілдіруді жүзеге асыру механизмі (ОҚО мысалында)

Дипломдық жұмыстың ғылыми жетекшісі:

Орындаған:

Дипломдық жұмыс: 3 бөлімнен тұрады. Бірінші бөлімде мемлекеттік  кадрлық саясат және қызметкерлерді басқарудың теориялық негіздері: ҚР жергілікті басқару жүйесінің мәні мен мазмұны, қызметкерлерді басқару  жүйесі, қызметкерлерді басқарудың шетелдік тәжірибесі қарастырылған, екінші бөлімде Қазақстан Республикасы және Оңтүстік Қазақстан облысындағы  кадрлық саясат және қызметкерлерді басқаруға: Қазақстан Республикасы мемлекеттiк қызметi жүйесi және кадрлық саясаттың ағымдағы ахуалына, Оңтүстік Қазақстан облысында қызметкерлерді басқару жүйесін ұйымдастыруына, ҚР мемлекеттік қызмет жөніндегі агенттіктің қызметіне талдау жасалған,  үшінші бөлімде мемлекеттік кадрлық саясат және мемлекеттік қызметкерлерді басқару жүйесін жетілдіру жолдары: мемлекеттік қызмет персоналын басқару жүйесін жетілдіру, мемлекеттің кадр саясатын мемлекеттік реттеу қарастылған және кадрлық саясат және қызметкерлерді басқару жүйесін жетілдірудің бизнес-жоспары берілген.

Дипломдық жұмыс  кіріспеден, қорытындыдан, 2 суреттен, 7 кестеден, 77 беттен және 50 пайдаланған әдебиеттер тізімінен тұрады.   

Жұмыстың мақсаты: Қазақстан  Республикасында жергілікті басқару  органдарымен тұрғындарды әлеуметтік қолдауды жүзеге асырудың мәселелерін  анықтау және оны жетілдіру жолдарын ұсыну.

Зерттеу обьектісі: ҚР тұрғындарды әлеуметтік қолдау жүйесі.

 

 

 

 

 

 

 

 

 

 

 

 

 

 

 

 

 

 

Нормативтік сілтемелер

 

Қазақстан Республикасы Заңдары:

1. «Мемлекеттік қызмет  туралы» 1999 жылғы 23 шілдедегі  № 453 Қазақстан Республикасының  Заңы

2. «Сыбайлас жемқорлыққа  қарсы күрес туралы» 1998 жылғы 2 шілдедегі №267 Қазақстан Республикасының Заңы.

3. «Әкімшілік рәсімдер  туралы» 2000жылғы    27  қарашадағы  №107 Қазақстан Республикасының Заңы

4. «Жеке және заңды  тұлғалардың өтініштерін қарау  тәртібі туралы» 2007 жылғы 12 қаңтардағы №221 Қазақстан Республикасының Заңы.

5. 2008 жылғы 4 желтоқсандағы  № 96-IV Қазақстан Республикасының  «2009 – 2011 жылдарға арналған республикалық  бюджет туралы» Заңы

Қазақстан Республикасы Президентінің Жарлықтары:

1. «Қазақстан Республикасы Мемлекеттік қызмет істері агенттігінің мәселелері» 1999 жылғы 3 желтоқсандағы №280 Қазақстан Республикасы Президентінің Жарлығы.
2. «ҚР Президенті жанындағы Мемлекеттік басқару академиясының мәселелері» 2005 жылғы 8 шілдедегі №1611  Қазақстан Республикасы Президентінің Жарлығы

3. «Қазақстан Республикасы  Мемлекеттік қызмет істері агенттігінің  облыстардағы, Астана және Алматы  қалаларындағы тәртіптік кеңестері  және Қазақстан Республикасы  Президентінің кейбір жарлықтарына  өзгерістер мен толықтырулар  енгізу туралы» 2005 жылғы 30 маусымдағы N 1598 Қазақстан Республикасы Президентінің Жарлығы

4. «Мемлекеттік қызметті өткеру тәртібі туралы ережені бекіту туралы» 2000 жылғы 10 наурыздағы N 357 Қазақстан Республикасы Президентінің Жарлығы
5. «Қазақстан Республикасы әкімшілік мемлекеттік қызметшілерге тәртіптік жаза қолдану ережесін бекіту туралы» 1999 жылғы 31 желтоқсандағы №321 Қазақстан Республикасы Президентінің Жарлығы
6. «Мемлекеттік әкімшілік қызметшілерді аттестациядан өткізу ережелерін бекіту туралы» 2000 жылғы               21 қаңтардағы № 327 Қазақстан Республикасы Президентінің Жарлығы

7.  «Қазақстан Республикасының  мемлекеттік қызметшiлерiн қайта  даярлау және олардың біліктiлігін  арттыру ережесiн бекiту туралы»  2004 жылғы 11 қазандағы N 1457 Қазақстан Республикасы Президентінің Жарлығы

8. «Мемлекеттік қызметтің  кадр резерві туралы» 2003 жылғы  4 желтоқсандағы N  1243 Қазақстан  Республикасы Президентінің Жарлығы

9. «Қазақстан Республикасы  мемлекеттік  қызметшiлерiнiң   ар-намыс кодексі туралы» 2005 жылғы 3 мамырдағы N 1567 Қазақстан Республикасы Президентінің Жарлығы.

10. «Мемлекеттiк қызметшiлердiң лауазымдарын оңтайландыру жөнiндегi шаралар туралы» 2007 жылғы 28 желтоқсандағы N 501 Қазақстан Республикасы Президентiнiң Жарлығы.

11. «Әкімшілік мемлекеттік  қызметшінің ант мәтінін бекіту  және әкімдік мемлекеттік қызметшілердің  ант беру тәртібін бекіту туралы»  Қазақстан Республикасы Президентiнiң  1999 жылғы 29 желтоқсандағы № 319 Жарлығы.

12. «Саяси мемлекеттік қызметшілер лауазымының тізілімін және саяси мемлекеттік қызметшілерге тәртіптік жаза қолдану ережесін бекіту туралы» 1999 жылғы 29 желтоқсандағы N 317 Қазақстан Республикасы Президентінің Жарлығы.

13. «Қазақстан Республикасы  саяси мемлекеттік қызметшінің  ант мәтінін және әкімдік мемлекеттік қызметшілердің ант беру тәртібін бекіту туралы» 1999 жылғы 29 желтоқсандағы № 372 Қазақстан Республикасы Президентiнiң Жарлығы.

Қазақстан Республикасы Үкіметінің Қаулылары:

1. «Мемлекеттiк қызметшiлердiң мүлкiн сенiмдi басқаруға берудiң тәртiбi туралы ереженi бекiту туралы» 2000 жылғы 20 қаңтардағы № 99   Қазақстан Республикасы Үкіметінің қаулысы.
2. «Мемлекеттік қызметшілерді оқыту тұжырымдамасы туралы» 2000 жылғы 13 қарашадағы № 1706  Қазақстан Республикасы Үкіметінің қаулысы.
3. «Мемлекеттiк қызметшiлердi қайта даярлау және олардың біліктілігін арттыру өңiрлiк орталығы туралы үлгi ереженi бекiту туралы» 2005 жылғы 18 ақпандағы N 153 Қазақстан Республикасы Үкіметінің қаулысы.
4. «Астана қаласында орталық мемлекеттiк органдар мен мемлекеттiк мекемелер қызметкерлерi үшін тұрғын үй салуға үлестiк қатысуға және сатып алуға бөлiнетiн қаражатты пайдалану туралы» 2004 жылғы 9 наурыздағы N 294  Қазақстан Республикасы Үкіметінің қаулысы.
5. «Астана қаласында орталық мемлекеттік органдардың қызметкерлерi үшін тұрєын үй салуға үлестiк қатысуға және сатып алуға бөлінген қаражатты пайдалану туралы» Қазақстан Республикасы Үкіметінің 2003 жылғы 19 сәуірдегі N 372 қаулысы.
6. «Астана қаласында орталық мемлекеттік органдар мен мемлекеттiк мекемелер қызметкерлерi үшiн тұрғын үй салуға үлестiк қатысуға және сатып алуға бөлiнетiн қаражатты пайдалану туралы» Қазақстан Республикасы Үкіметінің 2005 жылғы 3 наурыздаєы N 199 қаулысы
7. «Мемлекеттік әкімшілік қызметшілердің жұмыс сапасын бағалау ережесін бекіту туралы Қазақстан Республикасы Үкіметінің 2007 жылғы 29 желтоқсандағы N 1367 қаулысы

 

 

 

 

 

Анықтамалар

 

1. Қызметкердің бейімделуі – жаңадан қабылданған қызметкерді еңбектің жаңа жағдайларына оның шынайы берілуінің қалыптасу кезеңін барынша қысқарту және олармен еңбек ұжымында өзінің қызметтік орнын анықтау мақсатында ақпараттық және психологиялық қолдау;
2. Зияткерлік капитал – зияткерлік меншік пен адам активтері;
3. Кадр саясаты – кадр жұмысының түрлі принциптерін, нысандарын, әдістерін және үлгілерін біріктіретін біртұтас және объективті келісілген қызметкермен жұмыс стратегиясы;
4. Кадр әлеуеті – Қоғамның барлық қызметкерлерінің Қоғамның стратегиялық және тактикалық міндеттерін шешуге бағытталған қабілеттілік жиынтығы;
5. Корпоративтік мәдениет – Қоғамның көпшілік қызметкерлерімен қабылданатын, Қоғамда әзірленген және арнайы қабылданған корпоративтік құндылықтар, жұмыс стилі мен мінез-құлық ереже жүйесі;
6. Қызметкерді бағалау – қызметкерлердің Қоғам міндеттерін жүзеге асыруда қызмет тиімділігін анықтау үдерісі;
7. Әлеуметтік серіктестік – атқарушы билік органдарының, жұмыс беруші мен қызметкерлердің мүдделерін келістіруді қамтамасыз етуге бағытталған өзарақатынастар жүйесі;
8. Адам активтері – қызметкерлердің компанияға тікелей жатпайтын және еңбек қызметі үдерісінде жүзеге асырылатын немесе қызметкермен оның дәлелдеу деңгейіне байланысты көрсетілетін, жасырын ұстаным түріндегі білім, дағды, қабілеттілік қорлары, психологиялық сапа мен жеке ерекшеліктері.

 

 

 

 

 

 

 

 

 

 

 

 

 

 

 

 

 

 

 

Қысқартулар мен белгілер

 

ҚР – Қазақстан  Республикасы

ЖҰӨ - жалпы ұлттық өнім

ҒТП – ғылыми-техникалық прогресс

ТМД – тәуелсіз мемлекеттер  достастығы

ӨСБ КЖ - өнімнің сапасын  басқарудың кешендік жүйесі

ТЭН - техника-экономикалық негіздеу

ҒЗТКЖ – ғылыми-зерттеу  және тәжрибелік-конструкторлық жұмыстар

ӘСҰ - әлемдік сауда ұйымы

АЭА – арнайы экономикалық аймақ

ЕврАзЭҚ – Евразиялық экономикалық қауымдастық

АСУ – автоматты басқару  жүйесі

СМЖ – сапа менежменті жүйесі

 

 

 

Кіріспе

 

Тақырыптың өзектілігі. Мемлекет басшысы, «Нұр Отан» ХДП Төрағасы Нұрсұлтан Назарбаев мемлекеттік кадр саясатын іске асыру үшін партия алдына үлкен міндеттер қойып, сол бойынша атқарылатын жұмыстардың қарқынын күшейту бағытында тапсырмалар жүктегені белгілі. Саяси, әкімшілік және сайлау қызметтерін басшылыққа алған «кадрлық резерв» бағдарламасы, міне, осының негізіне айналуы тиіс. Үкіметтің өткен жылы атқарған жұмысы туралы есебін тыңдау барысында Мемлекет басшысы кадрлық саясатты жүзеге асыру кезінде кездескен бірқатар кемшіліктерді көрсетіп, елдегі кадр саясатының жандануына айрықша назар аударған болатын. [1]

Кадрлық резервті құру және дамыту, оған жастарды тарту – ел дамуына жаңаша ықпал етпек. Бұл орайда, мемлекеттік қызметке қабылданғысы келетін жастарға қойылатын талапты, яғни байқау шарттарын күрделендіру қажеттігі айтылды. Мәселен, мемлекеттік қызметке қабылдайтын сынақтар көп жағдайда азаматтардың толық білім-білігін айқындауға мүмкіндік бермейді екен. Сол үшін байқау шарттарына өзгерістер енгізіп, жаңаша жандандыру қажет.

Қоғамның кез келген саласында кадр саясатының алатын орны орасан. Себебі, бәсекеге қабілетті мамандар мемлекет алдында тұрған өзекті мәселелердің түйінін шешуге әсер ететін болады.

«Мемлекеттік кадрлық  саясат және қызметкерлерді басқару  жүйесін жетілдіруді жүзеге асыру  механизмі» тақырыының өзектілігі аймақтың экономикасын құрымдық қайта құру басқарудың тиімді тетігін, оның кадрлар әлуетін, территориялық (аймақтық) құрылымдарды кадрлармен қамтамасыз етудің ғылыми әдістерін жасамайынша мүмкін емес. Сонымен қатар зерттеудің көкейкестілігі сол елде жүргізіліп жатқан реформалардағы ауыртпалықтың басқару мен биліктің региондық органдарына, сондай-ақ жергілікті өзін-өзі басқару орындарына түсетіндігімен анықталады. Бұлар негізінен:

- спецификалық жеке кадрлар саясатынан; 
басқарушылар санының өсуіне байланысты оларды даярлауға және ұстауға жұмсалған шығындар мен олардың қызметінің ақырғы әлеуметтік-экономикалық нәтижелері арасындағы өсіп отырған қарама-қайшылықтарда; 
жүргізіліп жатқан реформалардың міндеттері, мақсаттары мен кадрлар ресурстарын пайдалану дәрежесі арасындағы күшейіп отырған диспропорциялардан;

- кадрлардың кәсіби-біліктілік динамикасы мен басқару жүйесінің жаңа функциялары арасындағы сәйкес келмеушіліктерден;

- аймақтың кадрлар потенциалының едәуір дәрежеде қажет болмауынан байқалады.

Дипломдық жұмыстың мақсаты - мемлекеттік кадрлық саясатты құраушы факторларды зерттеу және қызметкерлерді басқару жүйесін жетілдіруді жүзеге асыру механизмін ұсыну болып табылады.

Зерттеуге қойылған мақсатты жүзеге асыру мынандай міндеттерді  шешуді көздейді:

- мемлекеттік кадрлық саясат және қызметкерлерді басқарудың теориялық негіздерін зерттеу;

- Қазақстан Республикасы және Оңтүстік Қазақстан облысындағы  кадрлық саясат және қызметкерлерді басқаруды талдау;

- Мемлекеттік кадрлық саясат және мемлекеттік қызметкерлерді басқару жүйесін жетілдіру жолдарын ұсыну.

Зерттеу пәні – ҚР кадр саясатының тенденциясы, факторлары мен тиімділігін асыру бағыттары.

Зерттеудің нысаны - ҚР кадр саясаты.